Lecturas do mes de maio

A primeira lectura deste mes é O libro de relatos de Agustín fernandez Paz "O único que queda é o amor", diferentes historias que teñen como tema principal o amor, tratado poeticamente.

Lecturas do mes de abril

No mes de abril, decidimos facer dúas lecturas, a primeira delas, foi o cómic de Miguelanxo Prado "A mansión dos Pampín", historia dunha familia que herda unha vivenda a través da cal podemos reflexionar sobre os seus soños, ilusións... pero tamén sobre a destruccion da paisaxe do noso pais, e sobre o grave problema do feísmo que nos rodea.












A segunda lectura, foi unha homenaxe aos libros e a lectura, a través da breve obra de Stefan Zweig, "Mendel el de los libros" na que se nos conta a historia dun xudeo, Mendel, residente no café Gluck de Viena e que é un gran coñecedor de todo o que se edita en Europa durante a Primeira Guerra Mundial. Dun home que vive só para os libros, que non entende a vida fóra deles e que se verá desbordado polos graves acontecementos que están a ocorrer no mundo exterior.

Homenaxe a Miguel Hernández

Estas páxinas son interesantes para saber máis de Miguel Hernández :

http://mhernandez.narod.ru/poesia.htm

http://www.youtube.com/watch?v=vQM1qolDL_A

HOMENAXE A MIGUEL HERNÁNDEZ

Nos últimos tempos enredámonos coa poesía e decidimos que na nosa próxima xuntanza cada un traería o seu poema preferido e que faríamos unha lectura e posta en común. Tamen decidimos que xa que este é o ano no que se cumple o centenario do nacemento de Miguel Hernández que ben podiamos facerlle unha homenaxe. Agardamos que vos guste a actividade.

O libro que escollemos para comezar o ano é" O home que plantaba árbores" de Jean Giono. Publicado pola editorial Galaxia en tradución de Ánxela Gracián e con ilustracións de Jacobo fernández.

Este pequeno gran libro fala da vontade para cambiar a realidade por

dificil que esta nos pareza. fala tamen das pequenas contribucións a mellorar o mundo no que vivimos que,a maioría das veces,están na nosa

propia man.

Pensamos que é un libro necesario nos tempos que nos tocaron vivir.

Esperamos que disfrutedes da súa lectura.

As Lecturas dos máis pequenos están dirixidas polas profesoras Manuela Rivo e Elvira Moroño.

LECTURAS DRAMATIZADAS COS ALUMNOS DE 1º DE ESO

Durante este primeiro trimestre do curso 2009/2010 cos alumnos de 1º ESO achegámonos ao texto teatral a través da lectura dramatizada de tres pezas de teatro infantil. Estas lecturas son máis factibles que a representación teatral dentro do ámbito escolar e asemade evitamos fragmentar os textos

Realizamos esta actividade cos alumnos de 1º de ESO, na biblioteca do centro, durante unha sesión semanal na matería de Lingua e literatura galega.

O obxectivo principal da actividade é traballar a comprensión lectora cos alumnos.Para iso fixemos dúas lecturas de cada texto.Unha primeira centrada fundamentalmente en levantar dúbidas de vocabulario e na comprensión global do texto e unha segunda na que xa nos centramos máis na dramatización .

OS TEXTOS

AS LARANXAS MÁIS LARANXAS DE TODAS AS LARANXAS de Carlos Casares

Un clásico da nosa literatura dramática infantil.O humor e a fantasía percorren este marabilloso texto no que asistimos a un suceso extraordinario: o limoeiro de Anxa e Elias aparece unha mañá cheo de laranxas, mais non son unhas laranxas comúns,son inmensas e estoupan ao tocalas.

O MERLO BRANCO de Cándido Pazó

Texto divertido e ameno no que se trata o tema da exclusión e o rechazo ao diferente, a través das peripericias dun merliño que nace branco e que é rexeitado pola propia familia.

O merlo na procura da súa identidade - xa que segundo os seus non pertence á especie dos merlos , pois é branco – toparase cunha gaivota tragona e aproveitada, cun flamingo vanidoso e lambido, cunha cotorra moi faladora, cunha pomba veloz e cun voraz corvo.

ANIMALADAS de Javier Alcáraz

En Animaladas encontramos na sala dos animais africanos dun zoo:un león, unha avestruz e unha cebra que levan toda a vida vivindo en catividade.Non coñecen outra vida máis alá da gaiola.Pero chegar un novo compañeiro , o gorila que lles explica o que é a liberdade .

Animaladas aborda temas como a liberdade, a importancia de aceptar aos que nos rodean tal como son , o valor da experiencia ou a necesidade de coidar adecuadamente aos animais en catividade e de rradicar a caza e a cría ilegal .